邹幸彤（图片来源:公用领域/美国之音）
【看中国2026年8月29日讯】【支联会案｜邹幸彤陈情书全文：我宁愿做⼀个罪犯都唔要做⼀个背叛良知嘅⼈】
支联会被指“煽动颠覆国家政权”案，罪成被告今（28日）求情。被告之一邹幸彤在陈情中指出，做人有底线，法律同样要有，而民主与专政之辨，就是其中最重要的底线，因为专政之下无法治。而维园30年的烛光，已证明了这一点，结束一党专政是人民的底线、普世诉求，当法律不自量力挑战此底线，只是“自取其辱”。
案件是否“情节严重”将成量刑的重点，情节严重者可被判监5至10年。邹表示拒绝用犯罪概念去分析支联会做的事是否严重，但法庭可以问国安公署，因公署毫不避讳地宣称此案性质严重，“完全唔觉得⾃⼰系⼲预紧司法独⽴”。如果法庭最后判案件为情节严重，她会视为赞美，“表示我地真系有做到嘢”。
她指出，206页判词，根本就是宣称“民主有罪”。但她在陈情中表示，能够找到自己相信的使命、一起作战的伙伴，是人生最幸福的事，她跟支联会和香港人走过的路，绝不后悔。又指将来无论在狱中或狱外，都会继续为平反⼋九⺠运、追究屠城责任、结束⼀党专政、建设⺠主⾹港与中国而努力，直到民主到来的一天，“系我喺烛海之中对死难者许下嘅庄严誓⾔，⽽我唔打算做个无⼝⿒嘅⼈”。
最后，她说如果这样做令自己成为永远的罪犯，那么她寜愿做一个罪犯，也不要做一个背叛良知的人，“我会同所有唔认命嘅⾹港⼈⼀⿑，继续⾏呢条未完嘅⺠主路”。
***********
【邹幸彤陈情书】
1.206⾴判词，讲嚟讲去就系追求⺠主有罪。
2.我唔认为任何政党可以将国家嘅主权私相授受，⾃⼰话⾃⼰就系⼈⺠嘅选择，⾃⼰话⾃⼰就系唯⼀嘅领导，然后仲要话每个⼈都有法律上嘅义务去拥护佢呢个⾃封嘅王位，咁嘅所谓法律，只系暴政嘅同义词。
3.相信专政系错，⺠主系啱，呢样嘢唔系信念⼜系乜呢?就算法庭同政府不停念咒，咁话我地唔系审判紧信念，都改变唔到系呢份判决之下，相信“结束⼀党专政”呢个理念嘅⼈再无掟企嘅事实，系咁嘅“法律”眼中，我地有呢个思想就已经系违宪，系⾮法，系原罪，就算我地只系做
紧⼀件完全正当嘅事⽐如系悼念六四，都会因为我地本⾝思想上嘅“不正确”变成犯罪。
4.但法律系控制唔到任何⼈嘅思想嘅。唔单只控制唔到，当法律执意要同良知作对，输嘅只会系法律，失去认受性嘅亦只会系法律。
5.做⼈要有底线，法律⼀样要有。⽽⺠主同专政之辨，就系其中最重要嘅⼀条底线，因为专政之下无法治。当法庭完全抽空哂“结束⼀党专政”呢个诉求之所以出现嘅事实原因同是⾮对错只盲⽬咁去强调政权嘅意志,同所谓守法嘅义务，其实就等同于话活系纳綷德国之下就有义务去屠尽犹太⼈⼀般荒谬咁嘅做法，只会令法律失去佢彰显公平嘅灵魂，沦为任由权⼒驱使嘅傀儡。
6.造成纳綷治下，极权治下⼀次⼜⼀次嘅惨剧嘅，正系呢种不问是⾮，只问服从嘅态度。⽽宜家嘅法庭⼜好，国家⼜好，正系⾏紧同⼀条危险嘅⽼路。甚⾄乎，随住科技嘅进步同国家⼒量嘅提升，随住国家成为公认嘅“⼤国”，宜家嘅危险只有⽐当年更甚。
7.作为国⺠，我地有责任将国家权⼒韫返⼊⺠主嘅牢笼⼊⾯，尽我地作为国家主⼈嘅义务去控制佢，监察佢，咁做除咗系要为过去嘅伤害寻⼀个公道，亦系为咗防⽌更⼤嘅灾难再次来临。⼀味以国家安全之名养肥⼀部我地控制唔到嘅国家机器，蚕⻝⼈性同良知，发⽣悲剧系迟早嘅事。
8.因此，结束⼀党专政，系我地呢⼀代嘅⾹港⼈⼜好，中国⼈⼜好，无可回避嘅责任。呢件事，必须由我地⾃⼰去完成，只能由我地⾃⼰去完成，无任何外⾯嘅⼈可以去代劳。
9.呢个系我真诚嘅想法同信念，⽽且更唔⽌系我⼀个⼈嘅信念——维园30年嘅烛光已经证明咗呢⼀点，“结束⼀党专政”，系⼈⺠嘅底线，系普世嘅诉求，当法律系要不⾃量⼒咁去挑战佢，只会⾃取其辱。
10.法庭假装问题唔系传播思想⽽系所谓散播敌意，但“结束⼀党专政”嘅信念，从来就唔驶靠咩敌我思维，咩煽动仇恨去维系。我地只需要靠讲道理、讲事实，就已⾜以得到所有明事理嘅⼈嘅⽀持。
11.因为专政本⾝就已经系⼀种最⼤、最明显嘅不公义，佢无视每个⼈嘅平等同⾃主，硬塞⼀套无道理可讲嘅统治秩序落嚟，将⾃由嘅公⺠通通贬低为无得拣嘅奴隶。结束⼀党专政，只系争取返⼈之为⼈应有嘅尊严⽽已，⽽呢个道理，任何唔系扮瞓嘅⼈都应该睇得明⽩。
12.只有讲唔通道理嘅⼈，先⾄成⽇要靠仇恨动员，⽽我地根本就唔需要，只有亳无⾃信嘅⼈，先⾄会睇乜都⾒到敌意，⽽我地亦根本就唔会咁样去睇世界。我地对我地所相信嘅，所坚持嘅，有绝对嘅信⼼。只因为专政系靠仇恨去维持佢嘅统治，唔等于⼈⼈都要⽤佢果套，唔等于个世界就真系围绕住仇恨去运转。对平等同正义嘅信念，对⼈性同真相嘅尊重，从来都系⽐仇恨更强⼤，更持久嘅⼒量。
13.信念系无法去计算，无法去交易嘅存在。为⾃⼰所相信嘅⼀切去求情、去道歉，系最虚伪嘅⼀件事，亦系侮辱紧持有同样信念嘅所有⼈。所以我唔会咁样做，唔能够咁样做，连屠城嘅刽⼦⼿都未出嚟道歉，几时轮得到我地呢？！即使世道颠倒，我地亦唔应该为政权所做唔啱嘅事道歉，令⾃⼰都成为咗颠倒嘅⼀部份。
14.对于过去嘅⼀切，我拒绝⽤犯罪嘅语⾔同概念去分析我地做嘅嘢有几严重或唔严重。如果法庭真系想要咩参考，可以去问共产党领导嘅国安公署，佢地就真系识得点样⽤犯罪嘅眼光去睇争取⺠主同⼈权嘅努⼒啦。仲⼀直亳不避讳咁话本案就系性质严重，就系必须严惩，完全唔觉得⾃⼰系⼲预紧司法独⽴。无论如何，如果法庭最后真系判我地属“情节严重”，我会当成系对我地嘅赞美，因为咁表示我地真系有做到嘢嘛。
15.能够揾得到⾃⼰相信嘅使命，揾得到可以并有作战嘅伙伴，系⼈⽣最幸福嘅事，所以对于我同⽀联会、同⾹港⼈⼀⿑⾏过嘅路，我⼀啲都唔后悔，只系⾟苦咗我嘅屋企⼈同爱我嘅⼈，我唯⼀要请求原谅嘅对象，亦只有佢地。
16.⽽对于将来，无论系狱中狱外，我都会继续为释放⺠运⼈⼠、平反⼋九⺠运、追究屠城责任，结束⼀党专政、建设⺠主⾹港与中国⽽去努⼒、去学习、去充实⾃⼰、去做各种嘅尝试，直到⺠主到来嘅果⽇。呢个系我公开作出过无数次嘅承诺。系我喺烛海之中对死难者许下嘅庄严誓⾔，⽽我唔打算做个无⼝⿒嘅⼈。
17.如果咁样做会令我成为永远嘅罪犯，如果法律真系容不下我地嘅信念，咁我宁愿做⼀个罪犯，都唔要做⼀个背叛良知嘅⼈。我会同所有唔认命嘅⾹港⼈⼀⿑，继续⾏呢条未完嘅⺠主路。
18.烛光如海 ⼈⼼成涛 粉⾝拍岸 不平不休
